“النبيشة” كلمه لها معنى

Share on facebook
Share on twitter
Share on linkedin
Share on pinterest
Share on tumblr
Share on telegram
Share on whatsapp

✍🏿  أحمد محمد حامد

النبيشه دى ( ناس اكل عيشها ورزقها نبش القمامة) تقطيع الاكياس لفرزها وبيع ما يتم فرزة لتجار الروبابيكيا لا يعنيه تلوث أو أذى الآخرين كل اللى يعنيه ياخد مصلحته من القمامة

الفئة دى أغلبهم مش ليه مأوى وطنه اللى يعرفه الشارع … ودستوره القوة … وحقوقه كل ماهو ملقى على الأرض هو حق مكتسب له بل قد يتمادى الأمر إلى الاعتداء على حقوق الاخرين

الفئة دى عايشة فى قانون لوحدها قانون الغابة كله اعتداءات واغتصابات وسرقة فى بعض ولو حد محترم فيهم بيتم التعدى علية لأخذ ما تعب فيه طول اليوم

ما يعرفوش يشتكوا بعض لأن أغلبهم لا يحمل بطاقة ومنهم أطفال شوارع ومنهم أبناء …. ومنهم المحترمين ومنهم خريجى كليات اه والله العظيم

المجتمع دا مجتمع لما تعمقت فى دراسته اقتصاديا لمدة ٣ شهور تعبت حرفيا تعبت ولو هوصف كم الأضرار الاقتصادية اللى بيتعرضوا ليها واللى بيتسببوا فيها اقسم بالله حاجة تكسر النفس والخاطر

كل نظرتنا ليهم أنهم مجتمع مجرم مجتمع عشوائى مجتمع مخرب ودا جزء من الحقيقة الناس دى فيهم الجدع والشهم والذكى جدا وفيهم اللى يفديك بروحة لو حس انك مصدر امان ليه
الناس دى بتحب مصر اوى بس ماتعرفش يعنى ايه هوية مصرية يفرح مع اللى بيفرحوا ومنهم اللى مالوش دعوه ومنهم اللى صاحب واجب

ليه مانفكرش نعمل اعادة دمج للناس دى ف المجتمع ونعمل ليهم تمكين اقتصادى واجتماعي ونحول من الفسيخ شربات

اتمنى عمل ليهم جمعية أو نقابة تتبنى أحلامهم المدفونة فى القمامة

الناس دى لو اهتمينا بيهم وعلمناهم وشركات القمامة وجمعيات البيئة والنظافة تتبنى تشغيلهم هنقلل خسائر كبيرة بيئة واقتصادية واجتماعية

لو كل جمعية أو مؤسسة تتبنى عمل رقم تأمينى لكل واحد فيهم بموجب مشروعات بيئية هتبقى حاجة عظمة ماهو بعضكم بياخد فلوس من رعاية وعندهم صناديق عمرانه

كفاية شعارات وندوات ومؤتمرات بأننا نحافظ على البيئة وسايبين الأساس

من وجهة نظرى لو تم احتواء فئة النبيشة فى مصر هنقلل خسائر اقتصادية وبيئية واجتماعية يتكبدها المجتمع من وراء هذه الفئة وعلى أقل حد لتقديرى المتواضع هنوفر اكثر من ٧٠ مليون جنية خسائر سنوية

اتمنى حد يسمعنى لأننا داخلين على النظام العالمى الجديد واتمنى احتواء الفئة دى لأنها قنابل موقوتة فى الشارع لو مش وجدوا ما يبحثون عنه ستتحول الملكية العامة إلى ملكية خاصة لهم
#الغلابة
#اعادة_دمج_النبيشة_للمجتمع

فكر اقتصادى

قد يعجبك أيضًأ

Open chat
1
Scan the code
تواصل معنا