مصر

بقلم  سيد محمود

من يوم ماضاعت الأصول
والدنيا إتقل خيرها
وضاع الحق والعدل
لما العويل بقى سيدها
وأرض الحق من الظلم بارت
وأرض الباطل إخضر أشجارها
دنيا وإنقلب حالها
والصغار بقوا يعيبوا فى كبارها
وأولاد الأصول جار زمنهم
والواطيين تعلا بنيانها
دنيا وإتقل خيرها

وإتملت بالكدب والنفاق
وتاه الصدق فى زحامها
دنيا وحرمت الأصيل خيرها
وإدت الخسيس بطول دراعها
ياعينى على أولاد الأصول
لما يتداروا ويلزموا ديارها
وتلاقى الواطى والعويل
هما اللى بيتقدموا صفوفها
عجيب أحوالك يازمن
الناس بقت تتاقل بأموالها
وتضيع هيبة الأصيل
لما إبن الخسيس يهينها
ماعدش فيه أصول تحكم
وسابت كلابها على ديابها
بقى زمن العويل والخسيس
والدنيا ياناس إتقل خيرها
…………..
…..