بقلم // أماني حسن
فية ناس انت بالنسبةلهم “هدف” .. مجرد ما يوصلوله بتفقد قيمتك في عنيهم …
وفيه ناس أنت بالنسبةلهم “مصلحة” أول ما ياخدوها، بتبقى مالكش لازمة عندهم ..
وفيه ناس أنت بالنسبةلهم “أنبهار” أول مايقربوا منك ومع الوقت ، بتتحول لشخص عادي وينبهروا بغيرك ويسيبوك
وفيه ناس أنت بالنسبةلهم “المتاح” مافيش غيرك ملجأ لهم و أول مايلاقوا بديل بيستغنوا عنك
وفيه ناس أنت بالنسبةلهم “قيمة و حب” بتفضل دائما غالي في عينهم ومحبوب مهما طال الزمن وأختلفت المسافات والأماكن بتفضل أنت نفس الشخص اللي مش ممكن يستغنوا عنه …
هتلاقي في رحلة حياتك كل أنواع الناس دي..
لكن الإنسان الحكيم اللي مايقفش أمام تصنيف أنواع الناس اللي بتقرب منه ، لكنه بيستمتع ويتعلم من خلال أمانته وصدقه ومحبته لكل أنواع الناس اللي بيقابلهم
خليك أمين في كل علاقاتك وماتزعلش ولا تلوم نفسك على أي موقف إيجابي أنت عملتة مع حد و قابله بعد ذلك بسلبية منه
أفرح وأفتخر بنفسك وبصدقها وقوتها ، وسيب كل واحد حر في الطريقة إللي يقرر يشوفك بيها ويقرب بيها منك
عامل ربنا وكن علي يقين أنه مهما تلون الجميع حواليك هيجي يوم وربنا يكشف لك لونهم الحقيقي وساعتها هتعرف ربنا بيحبك قد ايه.
علشان كدة سيب اللي يكدب يكدب واللي يخون يخون سيب اللي يستغلك واللي يطمع فيك واللي يعاملك بمزاجه وقت ما يكون عنده فراغ ومحتاجلك
واللي بميت وش معاك ومع غيرك ويقدر ياخد منك ومن غيرك اللي هو عايزه في الوقت اللي عايزه وفاكر أنك ساذج وعبيط وعلي نياتك أو يكون متاكد انك هتفضل تحبه ومتقدرش تبعد عنه مهما عمل فيك
#اماني#حسن#رفاعي
