مصر

كتب سيد محمود

واحشني يابا يا حنين … واحشني ياللي مش راجع
انا افتكر البعاد هين …….. و بعدك ف الحشا واجع
واحشني ف دنيا قلابه ……… و دمعة عيني غلابه
هلاقي فين حنان قلبك ……. هقول بعدك لمين يابا
. . . . . . واحشنـي كتيـر قوي يابا . . . . . .

.
.

واحشني يا أول الأحباب .. وأجمل حب فاتني وغاب
دا بعدك ياسند روحي ….. بعيش غربه مابين أغراب
كتير حواليا بني ٱدمين ……… ومين زيك عليا ٱمين
ما تتعوضشي بالدنيا ………… و لا يملا مكانك مين
واحشني ف دنيا قلابه ………. و دمعة عيني غلابه
هلاقي فين حنان قلبك …….. هقول بعدك لمين يابا
. . . . . . واحشنـي كتيـر قوي يابا . . . . . .

.
.

واحشني تشيل كتير عني .. ووقت دموعي تحضني
يا أكتر حد في حياتي ………. كسرني لما راح مني
يا ضهر و سابني ف السكه … مسكني الحزن و اتكا
و من كتر الألم بعديك …. بقيت مش حمل ولاشكه
واحشني ف دنيا قلابه ……… و دمعة عيني غلابه
هلاقي فين حنان قلبك ……. هقول بعدك لمين يابا
. . . . . . واحشنـي كتيـر قوي يابا . . . . . .

.
.
.