لا تصاحب الندل
ولا تلبس توبه
توب الندل مايستر
واللى يلبسه يعيبه
دا الندل خسيس الطبع
ولا يشرف أصحابه
يبيع كرامته بالرخيص
وصاحب المال سيده
بلاش تصاحب الندل
وإوعى تتغر فى وعوده
الندل مالوش أمان
لا يحفظ العهد ولا يصونه
وفى لحظه يبيعك بسهولة
ولا هتسلم من تجريحه
عاشر أصيل النسب
وسيبك من عشرة الأندال
توب الأصيل يزينه
ولو جيوبه خالية من الأموال
وسمعته معاه باقية
بتتورث أجيال ورا أجيال
يصونك ويخاف عليك
ويسندك لو الحال مال
توب الندالة يقل قيمتك
وماتلقيش مكان لك بين الرجال
على الأصيل دور وعاشره
قالوها الجدود فى الأمثال
