عقل للدعايه والاعلان عجبى على واحدعقل للدعايه والاعلان

اسيوط

كتب /سيد محمود

عجبى على واحد
الدنيا لاهياه
سنين يجمع فيها
وعايش على هواه
باع أهله وناسه
والسكينة سرقاه
عمل أطيان وأموال
ومافيش حاجة كافياه
الكبر والغرور راكبه
ومافيش حاجة عجباه
مالوش صاحب يوده
ولا كبير يهتدى بهداه
لا يشارك الناس أفراحهم
ولا فى الأحزان يقدم مواساه
ووقت الشدائد والمصايب
تدور عليه ماتلقاه
عايش لنفسه وبس
وفاكر الدنيا ملك يداه
جار عليه زمانه
باع اللى قدامه واللى وراه
صرخ وقال ياناس
ملقاش حد يقف معاه

وعجبى على فقير
القناعة ملياه
عايش رزق يوم بيوم
والدنيا معنداه
لا يوم إشتكى لمخلوق
ولا صرخ وقال الأه
ضارب الدنيا بنعله
ولا حاجة فيها هماه
وقت الشدة بشهامته
سند وعكاز تلقاه
عايش بعزة النفس
وكل الناس حباه
إن قال يوم الأه
تلاقى الناس كلها محوطاه