لو جـت عليها الدنيــا يـوم …… إنت اللي تبقـــي لها الأمـان
و اقسـم رغيفـك و الهـدوم …… ويـاها و اسقيهــا الحنان
🌷🌷
وان شوفت في عينيها الجراح …… والدنيــا مابقتشي تمـام
إفــرش لهـا حضنــك بـراح …… و افتـح لهـا قلبــك تنــام
🌷🌷
طبطب عليها ان يوم لقيت …… في عنيها شكـوى م الزمـان
وافضل لها ف الضيقة بيت …… مفتوحه فيه كل البيبان
🌷🌷
خبيهــا يابنـي م السنيــن …… و اوعى الليــالي يغيــروك
ما انت ملاذها فكل حين …… وانت اللي ليها مكان ابوك
🌷🌷
خليك سندها ف دنيتك …… خليك صحيح لولادها خال
هي اللي يابني بدخلتك …… تتـــرد روحهـــــا و العيــال
🌷🌷
مهمـا ح يديهـــا الزمــان …… إنت عوضهــا عن اللي راح
البنت يابنـي مهمــا كان ………. والله مكســورة الجنــاح
🌷🌷
ما تخليهـاش أبـدا تهـون …… و لا دمعه ف عنيهـا تبـات
ده الاخ يابنـي لـو حنـون …… أختـه تعيـش ست البنـات
🌷🌷
أنا قولت يامـا ماتقلقيش ……. و وصيتـك دي من عنيـا
هي الحبيبه فمتخافيش..م العين دي زاد والعين دي ميه
🌷🌷
وفجأة راحت من سـكات ….. و فضللي صوتها يرن فيـا
وصتنـي أمـي ع البنـــات .. و انا عهـد أحافظ
