دنية ايه اللى انت حاببها
ماتفوء يابنى وترمى طوبتها
خليك عاقل ومتحسبهاش
هو اللى حسبها خد ايه منها
زى ماجاها راح منها وسابها
جاها عريان باكى وبيعيط
وراح واللى وراه عليه بيعيط
ولا خد مال ولاجاه ولا منصب
ولا اللى كان عليه بيحوط
وحتى يابنى لو محسبهاش
زى التانى عاش على قد ماعاش
وبعمله بس راح منها وسابها
يعنى كله رايح
كله سايب وهيفارق
كله ماشى م الدنيا ومفارق
محدش فيها خلد وعاش
وفصل فبها ومسبهاش
يبقى سيبك منها يابنى
وسيبها للى خلقك
ومتحسبهاش
ومتهواهاش
و متحبهاش
دى دنيا انكتبت عليك تعيشها
ولازم بالحلال
تتعاش
عشان فيه دنيا تانيه
بعدها انت رابحها
مفيش فيها موت ولا فراق
لكن فيها نعيم وعذاب
حسب اللى انت عملته
ف الدنيا الفانيه
اللى انت ماسك فيها
وحاببها
اللى مفيش فيها دوام لمخلوق
الدوام للى بناها
وخلقها
وخلق كل نفس فيها وسواها
وكل نفس فيها بتسعى
واللى رضى واللى مرضاش
كل فارقها وسابها
