لما كنا صغيرين
كنا بنلعب
مع بعضينا
دلوقتى كبرنا
وبقينا
بنلعب على بعضينا
طب دا حتى
من كتر خيبتنا
ان احنا
مبنشغلش دماغنا
غير على بعضينا
واللى زاد وغطى
ان احنا بقينا
بناكل ف بعضينا
زمان كنا صغار
ف الجسم
لكن كنا كبار ف العقل
وكان حاجات كتير
طيبه فينا
وكانت قلوبنا طيبه
بتحب وبترحم
بعضيها
انما دلوقت
متعرفش ايه جرالنا
بنعمل الشر
ف بعضينا
الحكايه ماشيه بالعكس
بدل مانكبر ونعقل
زى ماكنا زمان
واحنا صغار
على حسب ماتربينا
كبرنا وخيبنا
والخيبه بقت ماسكه
ولزقه بالغرا فينا
ياريتنا فضلنا صغار
ياريتنا مكبرناش
ومكناش توهنا
كده من بعضينا
وياريتنا مكناش
صرنا للحال
اللى احنا فيه
دلوقت
من غدر وظلم
بعضنا لبعضينا
