مصر    الجيزه

بقلم    /   هدوى محمود

في ناس بنفضل سنين فاكرين إننا عارفينهم كويس لكن أول ما تحصل مشكلة أو أزمة بنكتشف إن الحقيقة كانت غير كده خالص. المشاكل ليها قدرة غريبة إنها تشيل الأقنعة وتظهر كل واحد على طبيعته.
في وقت الفرح والراحة الكل بيكون قريب وبيتكلم كلام حلو لكن وقت الشدة بنعرف مين اللي بيقف جنبنا بجد ومين أول واحد بيمشي أو يتغير ساعتها بنشوف المعادن الحقيقية للناس وبنعرف قيمة كل شخص في حياتنا
أنا شايفة إن المشاكل رغم وجعها لكنها أحيانًا بتكون نعمة لأنها بتكشف لنا حقائق كنا غافلين عنها. بتعرفنا مين الصادق ومين المصلحة جمعته بينا ومين اللي يستحق مكانه في حياتنا
عشان كده متزعلش من كل مشكلة تقابلك لأن ممكن تكون السبب في إنك تشوف ناس كتير على حقيقتها وتتعلم درس عمره ما كان هيبان في وقت الراحة والهدوء.