كتبت // نورا زين
* انه مش مهم الشنطة تكون جديدة كل سنة …. ينفع استخدم شنطة السنة اللي فاتت لو حالتها كويسة
* انه مش مهم اللانش بوكس والزمزمية والادوات المدرسية تبقي ماركة معينة او بلون موحد المهم يحافظوا علي ادواتهم نضيفة ومرتبة
* انه قيمتنا مش ف اللبس او الماركات او معانا شنطة بفلوس قد ايه او بتاخد مصروف كام …. قيمتنا ف شخصيتنا
*علموهم المشاركة والعطاء ، انهم ممكن يدوا لزمايلهم ساندوتش او قطعة كيك او عصير كنوع من المشاركة وممكن الام تعمل حسابها ف ساندوتش زيادة
* علموهم انه مينفعش نتريق علي حد لا علي شكله ولا علي لبسه ولا لون بشرته ولا مستواه ، علموهم يحبوا بعض ويقبلوا المختلف عنهم ف المستوي المادي وف الديانة وف الشكل
* علموهم كمان ان القيمة مش ف الدرجات وبلاش تعاقبوهم لما ينقصوا ف الامتحانات ، شجعوهم انهم يعملوا اللي عليهم ويكونوا فاهمين لكن الدرجة مش مقياس بمحبتكم ليهم
صباح يوم جديد يارب حلو عليكم وسعيد❤️
