( آنوبيس )
الحلقه الاولي
بقلم / عبدالعزيز عبدالرحمن
انا.. احمد : مزارع بسيط متزوج وعندي بنتين هما سبب سعادتي
الكبيره . ( هناء)……
والصغيره ( جميله) ربنا يشفيها… عندها اعاقه ذهنيه بسبب زواج الاقارب….. عاداتنا وتقاليدنا في الريف ان البنت اولي بيها ابن عمها…. ولازم نستر لحمنا….. ولان زوجتي طيبه فانا كنت فرحان اني لقيت حد يكمل معايا مشواري ونبقي ستر وغطا علي بعض….. انا عايش مع اسرتي في قريه فقيره من قري الصعيد كل اب.. كنت منتظر زواج بنتي (هناء) بس علشان احنا فقراء جدا محدش كان عايز يتقدم ليها….. لاني مكنتش هعرف اجهز بنتي….. دا غير اعاقه الصغيره…. وعلاجها…. والاكل والشرب…….
قررت اني لازم اخد حقي من الدنيا….. بالبلدي كدا حالي مش عجبني…..
ومن هنا …. ابتدت حكايتي……..
منظر خارجي للبيت…
بيت بسيط … وسط زرع….. مكون من ارضي واول علوي..
صوت الباب……
احمد : حاضر…. جاي
صوت فتح الباب….
احمد : جلال…. صاحبي…. اهلا اهلا اتفضل ياغالي….. انت جيت البلد امتي
جلال : ازيك ياصاحبي… اخبارك واخبار عيالك… طمني عليك
احمد : تشرب ايه يا خويا.. وحشني والله حمد لله علي سلامتك…
جلال: انا وصلت امبارح بالليل… جيت ازور ابويا…. واطمن علي صاحبي الوحيد….
احمد : الشاى… يا هناء لعمك جلال….
جلال : بقيت في سنه كام دلوقتي….. احكيلي….
احمد : دي بالصلاه على النبي
بقيت عروسه دلوقتي…. ربنا يكرمها بابن الحلال….
بس ما تخدنيش في دوكا … اش اش… انت عيني عليك بارده… لابس كويس…. وباين عليك النعمه….. طيب ايه ما تقولي اختفيت السنين اللي فاتت دي رحت فين واشتغلت في ايه
يمكن الاقي معاك مخرج للظروف اللي انا فيها….
صوت خبطه باب المضيفه…
احمد : تعالي ياهناء سلمي علي عمك جلال….
جلال : بسم الله ما شاء الله…. كبرتي يا بنت الغالي وبقيتي عروسه
هناء :الله يخليك ياعمي….. بعد اذنكم
جلال : ربنا يحفظها…
احمد : دا انا كمان عندي ( جميله) ربنا رزقني بيها… بعد ما انت اختفيت
جلال : الله اكبر… طيب هي فين عايز اشوفها
احمد : يا هناء…. هاتي جميله.. عمها عايز يسلم عليها….
هناء : حاضر
الام.. مبروكه : بلاش جميله….. هو عايزها تخرب الدنيا.. استر يارب…
هناء : تعالي يا جميله… ابوكي عايزك….
جميله : طيب… طيب…. يوه
هناء : ادخلي سلمي
احمد : تعالي يا بنتي
جلال : لاحول ولا قوة الا بالله
شكل جميله ( يدل علي مرض عقلي…. وحركاتها…. وطريقه الكلام)
احمد : طيب… خدي اختك دخليها…
جلال : الله يكون في عونك
احمد : يارب….. مش، هتقولي انت اشتغلت في ايه…. والنعمه دي جتلك منين……
جلال: هقولك… بس دا كلام يفضل بينا…. وسواء رضيت تشتغل معانا او مرضتش…. يفضل سر… مفهوم
احمد : مفهوم… مفهوم…..
جلال :
