الحيرة و نفس

 مصر     اسيوط

بقلم     معتز حمدى

. . نفسى اكتب بس فيه جواية شئ غامض مانعنى

كل ما أمسك بالقلم يكتف ايدى و يقاطعنى

أصرخ واقوله ليه كده يقولى منتش بالأمر مَعنِى

أنده أقوله عارف المشاعر والحروف ايه بالنسبالى معانيها تِعنِى

يصرخ يقولى أنا الواقِع ومكان واحد جِوَه قلبك

يساعِى الشعر أو يساعنِى

مابِين أشلاء السطور عايز يقصِينى و يَضعنِى

أبكى و أتحايِل عليه و أصرخ بقوة و اقوله دَعنِى

يِذيد فى ألامُه و جراحه و يكتف إيدى و يقاطعنى

قلعنى من بِين أمنياتى وفى وسط الواقع زارعنِى

حتى وانا بحلم بالمعانى كأنه جوايه و سامعنى

دفعنِى وراح كسر القلم و هدم احلامى و صافعنِى

بحلم بعالم ملامحه السكون ألاقيه هدم الحلم و خرعنِى

يصرخ يقولى انا الواقِع و مكان واحد جِوَه قلبك

يساعِى الشعر أو يساعنى

إفرِد دراعك مِد إيدك وسيبك من حلم الغلابه و بايعنى

خايف لأضعف قصاد كلامه * فعلا الشعر بإيه نفعنى

يغرينى بالراحه و بالهدوء * بناقص الراحه همُوت إيه يعنى

هنعيش قد العمر إللى راح انا رافض و هحلم سمعنى

انا رافض و هحلم سمعنى

نفسى اكتب بس فيه جواية شئ غامض مانعنِى

كل ما أمسك بالقلم يكتف إيدى و يقاطعنى

أصرخ واقوله ليه كده يقولى منتش بالشعر مَعنِى

⚘ ⚘ ⚘ ⚘

.