مصر   أسيوط

 كتب معتز  حمدى

لما كان فى الدنيا عايش

كانوا مش شايفينه أصلاً

مع إنه كان عنهم حايش

١٠٠ مصيبة ويمكن أكتر

كان بينسى يدعِى لنفسه

ويخاف يكون فى يوم مقصر

كان دايماً على بالهم منسي

جندى مجهول ولا يوم انتصر

لما مات كتبوا تاريخه

قالوا كان من يومه بطل

حكوا عنه كتير مواقف

دا كان مابيهموش خطر

ماسمعش منهم وهو عايش

كلمة زينة تبل الريق

ولما مات بقى سكر وبايش

سيرة ويحكوها فى كل طريق

أصله مات .. أصله مات

                 ✍️