مصر  اسيوط

بقلم    معتز حمدي

 يا ناس احنا فى زمن ماله

زمن محدش عجبه فيه حاله

اتغير الزمن واحنا اتغيرنا معاه

راح زمن المحبه وفين تانى نلاقاه

راحوا الحبايب وراح زمانهم

الحب بينهم كان راس مالهم

طيبه وتسامح ومحبه تداوى قلوب

زمن ماكنش فيه حد معيوب

احنا بقينا فى زمن ماشى بالمقلوب

حقد وغل وغالب ومغلوب

بقينا فى زمن مالوش امان

غدر وخيانه وظلم كمان

فين الطيبه فين المحبه

راح كل شئ حبه حبه

يازمن غدار كله مأسى

الكل فيه بيصبح ناسى

راح زمن الطيبين

اللى كان مليان حنين