مصر    أسيوط

بقلم      معتز حمدي

انتي

 مين يا أمه اللي قالك

إني مش محتاج فلوس

وأنه عادي هعيشها هادي

واني ع الأحزان هدوس

منتي شايفه يا أمه حالي

والمدارس والدروس

أسره يا أمه محتاجالي

عايزة عيش ويا الغموس

والحاجات والمحتجات

منتي شايفه كمان عيالي

هقولو لي يا بابا هات

لو عليا انا مش ضروري

صدقيني احساسي مات

بس عايش اكفي دوري

بالدقايق والساعات

عارفه يا أمه تاخدي شورى

رجعيني للي فات

رجعيني لبيت صغير

ويا نخله وجارها ابات

احرقي اللبس القصير

واستري عرض البنات

عارفه يا أمه انا مش بغير

 طبعي اثبت من الثبات

وانتي عارفه الناس تحير

مهما ندى من سكات

وان حكينا يغلطونا

ويقولو لنا كان فتات

يعنى نديهم عيونا

ويقولو لنا مسكنات

ناس يا عم متختشيش

المشاعر تلاجان