مصر اسيوط
بقلم معتز حمدي
مش عارف لك اي وش
مرة طيبة ومرة غش
ومرة سكر مرة مش
نفسي اعرف انت مين؟!
ياللي بتدُور ع الموائد
تِرضي هيثم تِرضي رائد
مش هتجني اي عائد
مش هتاخد نجمتين!
انت راضع كذب خام
والمشاعر من رخام
انت راهب او حاخام
ولا تابع اي دين؟!
قلت عني اني غير
وقلت ليهم مين سمير
يلا تاجر ف الضمير
ما انت واحد مش امين!
مش عارف لك اي ميل
فوق كتافك يلا شيل
فان حاولت تكون جميل
ماتجاملش في جبهتين!
✍️
