كتبت // نورا زين
💣💣💣💣💥💥💥💥💥
قصة الترمس والسكر احذر
الترمس واحد من النباتات الجميلة الغنية بالبروتين و النشويات والدهون والحقيقة اما بيتنقع ويترمى مرارته ويتحط عليه توابل زى الشطة الملح والليمون بيكون رائع .لغاية كده كويس اسمع بقا اللى مش كويس .
اللى مش كويس ان بعض الناس بدأو يوصفو لمرضى السكر مش عارف ليه وهو غنى جدا بالنشويات والبروتين الترمس الناشف وحط تحت كلمة الناشف ميت خط كدواء لعلاج السكر ظنا منهم أنه شفاء ودواء للسكر أصل الترمس مر فمرارة الترمس هتحارب حلاوة السكر فيبرأ المريض بإذن الله وطبعا دا جهل و جهل كبير وكارثة كمان ليه ؟
الترمس حضرتك فيه مادة فعالة اسمها ليبولين وهى مادة سامة جداااااااا ولكنها بميزة كبيرة انها تذوب فى الماء يعنى لو انت نقعت الترمس فى الميه مرارته او سميته بتدوب فى الميه وانت بترمى الميه دى مابتشربهاش وبتسمتع بالنبات الرائع ده بدون مشاكل لكن استهلاكك الترمس الناشف كعلاج للسكر ولا أى مرض دا هبل يبقى حضر الكفن وهتموت موته رخمة هتنشف قبل ماتموت بقك هينشف عينيك هتوسع قلبك هيجرى بولك هيقف .
١٢ حبة ترمس ناشف كفيلين بقتل طفل صغير .
٢٠٠٩ اتنشرت دراسات عن عدد كبير من المرضى حصلهم تسمم من إستخدام الترمس الناشف المطحون كبديل للقمح .
أرجوك متستخدمش أى وصفة أعشاب من حد ملوش علاقة بالنباتات الطبية والله هيوديك فى داهية صحتك أمانة وأنت كمريض فاكر انه ترمس عادى يعنى شئ امن فحين انه سم زعاف .
أرجوك شير وعرف غيرك أنقذ مريض سكر ممكن يكون طفل عنده سكر وأهله ميعرفوش انه سام قاتل .
دمتم بصحة ❤️
