” قُلْ إِنَّ الْأَمْرَ كُلَّهُ لِلَّهِ “

كتبت  //  نورا زين

دورك في الحياة انك تسعىٰ وتعمل اللي عليك واللي في مقدرتك تعمله، وتحاول تطلع السلم اللي ربنا بيدبره ليك مع كُل سعي بتحققه ..

دورك فى الحياة إنك تعمل “المُمكن” اللي في إيدك وتقدر تعمله ، مش انك تخترق العالم بـ إبداعك وترهق نفسك..وبعد ما تحقق الممكن ، تسيب المُستحيل على ربنا.وتستعين بالصبر بعدها

مفيش حاجة اتمنتها من ربنا واتأخرت، ومفيش حاجة فاتتك، ومفيش حاجة بتحصل في حياتك إلا وكان فيها خير ليك ، ومفيش حد مِشي من حياتك كان المفروض يكمّل، ومفيش حد مكتوب له إنه يكمل معاك هيمشي..وهتحب في الوقت المناسب ليك أنت ، وربنا هيضّم قلبك بشخص يحبك في الوقت اللي ربنا يعلم أنك جاهز فيه..هي دُنيا ودا نصيب و مفيش حاجة في الدُنيا دي بتفضل على حالها لان كل المآسي عابرة ..ومفيش إبتلاء بيست..ومفيش دُعاء مستحيل..
خلقك اللّٰه لتقف علىٰ شُرفة الدُعاء وتخوضها متشبثًا بـ
” إِنِّي قَرِيبٌ ۖ أُجِيبُ ”

وإن طال وقوفك على الشُرفة ؛ فـ تدابير الله أطول
فـ صْبِرًا عَلَىٰ مَا لَمْ تُحِطْ بِهِ خُبْرًا ..